登山遠足黑仔事件簿(五)：斜滑山坡
係呀，都係講番大帽山搏到大霧嗰次訓練！訓練嘅嘢，點會撞一次板咁少。
話說大霧迷途呢關就過咗，以為順利行到尾，解說完就散隊。世事又點會如此順暢呢！幾經艱辛，入番正路。以為霧散，點知就開始落雨，重係最乞人憎嘅毛毛細雨！點解乞人憎？因為我們正要進入斜滑山坡，重要係被人踩到實晒嘅泥加石地。上面有少少沙泥，加上毛毛雨，唔多唔少水份剛剛好，少量水加泥就變極佳潤滑劑！明晒啦！落山先落雨，重加潤滑劑，想唔瀡滑梯都唔得啦！
我們當時是新手，還要負重裝，完全唔識點落斜！所謂的防滑底完全失效！究竟我們一隊人最後點樣克服呢條邪惡嘅潤滑斜坡呢？大家不妨估下。
即時開估！
最初大家仍相當信任那些聲稱防滑的行山鞋，不過一踏進眼前這條加了天然潤滑劑的斜坡，就知防滑鞋這個裝備完全失效！一進入斜坡，踏第二步已跣腳，即使曲著身子平衡也沒有幫助。最後各人用了3個不同方法才勉強下山。
踎低細步行
這個方法令身體重心降低，就算跌倒也絕不會引致什麽受傷，算是不錯。但由於仍要提步，提步時的重心轉移令你更易跣倒。所以幾乎是2步1跌坐，要拉著路旁草頭才不致瀡落山坡。
踎低拖步移動
與第1個方法相似，也是將重心降低。但前移時不會提步，而是鞋底貼地，拖著步向前慢慢移步。因為沒有提步，而且是持續雙腳著地，所以較易控制，亦相對少些跣倒。不過也要拉著路旁草頭，才能慢慢前移。
瀡滑梯
呢個係一個危險的方法，因為根本無法控制下滑速度！方法是抱著背囊，直接坐在地上瀡下斜坡。好處是快，但用此法的隊員難免擦傷，亦有機會因控制不到方向而飛墮山崖(有點誇張但確實有此機會)。而最後該隊員的褲和背囊也爛了。
最後我們都能成功下坡，不過各人皆沾滿泥漿，全身濕透及非常污糟！雖然完成行程，但亦被教練責備了一頓！為何？因為根據所學，最安全快捷的方法是設置繩索，拉著繩慢慢下坡。我們則貪快而冒險，確實責備得對。
經驗教訓：
- 計劃時預知有機會下雨的話，若不能改期，就不要選擇有斜坡的路線。
- 絕不能過份相信防滑裝備。
- 帶備繩索，以備不時之需。
- 無論是何種路況，如遇難以站穩或跣腳，將重心降低永遠比站直較易平衡。
Tentmate
另有全掌墊設計，可到專頁內的商店選購。
訂購：WhatsApp
想知保護有幾強效，就睇下我地嘅爆蛋實驗啦！
#hiking #hiker #hike #explore #nature #backpacking #鞋墊 #氣墊鞋墊 #按摩鞋墊 #heelcup #shoeinsole #air #aircushion #遠足鞋墊 #步操鞋墊 #遠足 #步操 #久站 #腳跟痛 #旅遊 #露營 #足痛
留言
發佈留言